Çin Ukraynada sülhməramlı missiyaya qoşulmağı nəzərdən keçirdir.
Brüssel Çinin Ukraynada potensial sülhməramlı missiyada iştirakının mümkünlüyünü müzakirə edir. “Welt am Sonntag” nəşri Avropa İttifaqının diplomatik dairələrindəki mənbələrə istinadən yazır ki, Çin nümayəndələri Belçika paytaxtında qeyri-rəsmi məsləhətləşmələr aparıb və Avropanın belə bir addıma necə reaksiya verəcəyi ilə maraqlanıblar.
Diplomatlar deyirlər ki, Çinin iştirakı sülhməramlı missiyanı Rusiya üçün daha məqbul edə bilər.
“Çinin “istəklilər koalisiyasında” iştirakı Rusiyanın Ukrayna ərazisində sülhməramlıları qəbul etmək istəyini artıra bilər”, – Brüssel diplomatik dairələri qeyd ediblər ki, məsələ “çox həssas” olaraq qalır. (Azadlıq Qəzeti)