Böyük Britaniyanın Baş naziri Keyr Starmer onlayn rejimdə Ukrayna ilə bağlı yeni beynəlxalq sammit keçirəcək.
Bu barədə Britaniya hökumət başçısının nümayəndəsi məlumat yayıb.
Bildirilib ki, virtual sammit martın 15-də baş tutacaq və martın 2-də Londonda Starmerin ev sahibliyi etdiyi görüşün davamı olacaq.
Qeyd edək ki, martın 2-də Londonda Ukraynaya yardımla bağlı 18 dövlət və assosiasiyanın nümayəndələrinin iştirak etdiyi sammitdən sonra Starmer Kiyevi dəstəkləmək üçün koalisiya yaratmağa çalışacağını bildirmişdi. (Axar)