Ermənistan Xarici İşlər Nazirliyi Nikol Paşinyanın həyat yoldaşı Anna Akopyanın ermənistanlı diplomatlara ünvanladığı təhqiramiz ifadələri şərh etməkdən imtina edib.
Tacxeber.com bu barədə “Sputnik Armenia”ya istinadən xəbər verir.
Ermənistan XİN-dən verilən açıqlamada qeyd olunub ki, istənilən sorğuya yalnız qaldırılan mövzunu və sitatları təsdiqləyən ilkin mənbə olduqda cavab verilə bilər.
Xatırladaq ki, fevralın 11-də A.Akopyan sosial şəbəkələrdə erməni diplomatları özlərinə əmin olmayan və nə edəcəklərini bilməyən kompleksli insanlar kimi təsvir edib.