Nobel Sülh Mükafatı laureatı, BMT baş katibinin iqlim dəyişikliyi üzrə keçmiş müşaviri Rae Kvon Çunq müsahibəsində bildirib ki, bəşəriyyət buzların əriməsi nəticəsində yayıla biləcək viruslara hazır deyil.
Tacxeber.com “Medicina”ya istinadən xəbər verir ki, alim misal kimi buzlaqlarda yaşaya bilən qarayara sporlarını göstərdi.
“Mən belə düşünürəm bu hələ hamısı deyil, çünki orada hansı virusların olduğunu belə bilmirik”.
O əlavə edib ki, oxşar naməlum viruslar Qrenlandiyada, Kanadanın şimalında və Rusiyada əbədi donmuş ərazilərdə yaşayır, buzlar əridikcə yayıla bilər və bəşəriyyət onlarla mübarizə aparmağa hazır deyil.
Bundan əvvəl Manoadakı Havay Universitetinin amerikalı alimləri orqanizmlərin inkişafı üçün əsas zülal kodlayan nəhəng virus aşkar etmişdilər.