“Əgər kimsə məni indi əvəz etmək istəyirsə, bu alınmayacaq”.
Tacxeber.com xəbər verir ki, bunu Ukrayna prezidenti Volodimir Zelenski ABŞ prezidenti Donald Trampın Ukrayna vətəndaşları arasında güvən reytinqinin 4% olması ilə bağlı açıqlamasına cavab verib.
Zelenski əlavə edib ki, 4% etibar haqqında məlumat Rusiyadan gəlir və bu, ABŞ və Rusiya nümayəndələri arasında müzakirə olunub.
“Biz bunu başa düşürük və bu rəqəmlərin Amerika ilə Rusiya arasında müzakirə edildiyinə dair sübutlarımız var. Təəssüf ki, xalqın lideri kimi böyük hörmət bəslədiyimiz, çox hörmət etdiyimiz prezident Tramp dezinformasiya məkanında yaşayır”, – Zelenski vurğulayıb.
Bununla belə, Zelenski son reytinq sorğularında ukraynalıların 57%-nin ona etibar etdiyini qeyd edib.