ABŞ Prezidenti Donald Trampın şəxsi iqamətgahı olan Mar-a-Laqonun yanında yerləşən Florida ştatının Palm Beach şəhərində tikintisi başa çatmamış malikanə 45 milyon dollara satılıb.
“Qafqazinfo” xəbər verir ki, həmin qiyməti “Mansion Global” nəşri açıqlayıb.
Əmlak “qış Ağ Evi” adlanan təhlükəsizlik zonasında, yüksək mühafizəsi olan ərazidə yerləşir. Rieltorlar deyir ki, evin tikintisi 2025-ci ilin payızında başa çatmalıdır. Qonşuda Amerika prezidentinin böyük bacısı Elizabet Tramp Qraunun evi yerləşir və küçənin digər tərəfindəki iki bina Donald Trampın özünün ailəsinə məxsusdur.
ABŞ liderinin gələcək qonşusu 1200 kvadratmetrlik malikanəyə sahib olacaq.