İlon Mask ABŞ-da prezident seçkiləri keçirilən gündən bəri Donald Trampın malikanəsində yaşayır.
Tacxeber.comxəbər verir ki, bu barədə “The New York Times” nəşri öz mənbələrinə istinadən məlumat yayıb.
Nəşrin məlumatına görə, Mask Trampın ən yaxın adamlarından biri olmaqla, yeni seçilmiş prezidentin Florida ştatındakı iqamətgahından “bir neçə yüz fut” aralıda məskunlaşıb.
Bu, sahibkara Trampla asanlıqla şəxsən ünsiyyətdə olmaq, o cümlədən onunla nahar etmək imkanı verir.
NYT iddia edir ki, Mask bu yaxınlarda “Amazon”un qurucusu Ceff Bezos ilə şam yeməyi zamanı Trampa baş çəkib.
Lakin nəşr qeyd edir ki, Tramp 2025-ci il yanvarın 20-də vəzifəyə başladıqdan sonra Maskın yeni prezidentlə bu qədər asanlıqla görüşməsi çətin olacaq.