Bir çox evdar qadınlar əmindirlər ki, yağ tərkibi 72 faiz olan kərə yağı keyfiyyətsiz məhsuldur və buna görə də onu mağazalardan almağa qorxurlar.
Ekspertlər deyirlər ki, xanımların qorxuları heç də əsassız deyil. Ancaq yenə də bu məhsullar arasındakı fərqi başa düşmək lazımdır.
İstehsalçılar yağ tərkibinə görə yağları üç növə bölürlər:
• ənənəvi – 82 faiz;
• “kənd” kərə yağı – 72 faiz;
• sendviç yağı– 60-65 faiz.
Müvafiq olaraq, məhsulun tərkibindəki yağ nisbəti nə qədər azdırsa, tərkibində bir o qədər çox zərdab olur.
Ən yaxşı və yüksək keyfiyyətli yağ tərkibi 82 faiz olan ənənəvi kərə yağı hesab olunur. Tərkibində cəmi 16 faiz zərdab var.