ABŞ-nin yeni seçilmiş prezidenti Donald Tramp inauqurasiya mərasiminə İtaliyanın baş naziri Giorgia Meloni, eləcə də bir sıra Latın Amerikası liderlərini dəvət edib.
Xarici liderlərin siyahısını CNN açıqlayıb.
“El Salvador prezidenti Nayib Bukele, İtaliyanın baş naziri Giorgia Meloni və Argentina prezidenti Xavyer Miley də Tramp və ya onun komandası tərəfindən dəvət olunub. Hər üçü Trampın yaxın müttəfiqləridir”, – kanalın materialında qeyd olunur.
Bundan başqa, Trampın bir sıra digər xarici liderləri də dəvət etdiyi məlum olsa da, onların adları açıqlanmır. Əlavə olaraq dəqiqləşdirilir ki, inauqurasiyada iştirak təklifi qeyri-rəsmi kanallar vasitəsilə göndərilib.