WhatsApp qrup söhbətləri üçün yeni funksiya sınaqdan keçirilir.
Tacxeber.com xəbər verir ki, məlumata görə, yenilik qrup üzvlərinin onlayn olub-olmadığını göstərməyi hədəfləyir. “WhatsApp” tətbiqinin beta versiyasında qrup söhbətləri üçün onlayn istifadəçi sayğacı funksiyası aktivləşdirilib.
Bu sayğac qrupun yuxarı hissəsində yerləşəcək və neçə nəfərin aktiv şəkildə “WhatsApp”dan istifadə etdiyini göstərəcək. İstifadəçilər beləliklə, qrupdakı aktivliyi daha asan izləyə biləcəklər. Qeyd edək ki, yalnız tətbiqi açıq və internetə bağlı olan istifadəçilər bu siyahıda görünəcək.