“Tesla”nın qurucusu İlon Maskın 20 yaşlı qızı Vivian Vilson Donald Trampın prezident seçkilərində qalib gəlməsindən sonra ABŞ-ni tərk etməyi düşünür.
Tacxeber.comxarici KİV-ə istinadla xəbər verir ki, bu barədə Vivian danışıb.
Qeyd edək ki, Vivianla biznesmen atası İ.Mask arasında problemlər var. O, Maskın birinci arvadı Castin Vilsonla evliliyindən doğulub. Cinsiyyəti oğlan olan və əsl adı Xavier olan Vivian 2022-ci ildə cinsiyyətinin dəyişdirilməsi üçün məhkəməyə müraciət edib. O, anasının soyadını götürərək, atası ilə bütün bağlarını qırmaq istədiyini açıqlamışdı.
Onu da xatırladaq ki, İ.Mask ABŞ-də prezident seçkiləri zamanı D.Trampın ən böyük dəstəkçisi idi.
