Almaniyadan mühacirətdən qayıdandan sonra həbs edilən Müsavat fəalı Mehdi Xəlilbəylinin cinayət işi üzrə məhkəmə araşdırması başa çatıb.
Tacxeber.com “Qafqazinfo”ya istinadən məlumatına görə, Səbail Rayon Məhkəməsində keçirilən sonuncu iclasda hökm oxunub.
Hökmə əsasən, M.Xəlilbəyli verilmiş ittihamlarla təqsirli bilinib. Amma ona 2 il sınaq müddəti seçilməklə 4 il şərti cəza verilib.
O, məhkəmə zalından azadlığa buraxılıb.
Qeyd edək ki, M.Xəlilbəyli bu ilin əvvəlində Avropadan Bakıya qayıdarkən hava limanında saxlanılıb. Onun barəsində Binəqədi Rayon Məhkəməsinin qərarı ilə həbs-qətimkan tədbiri seçilib. Onun Bakıya könüllü olaraq, istintaqa təslim olmaq üçün gəldiyi bildirilib.