İran parlamentinin Milli Təhlükəsizlik və Xarici Siyasət Komissiyası ABŞ və İsrailin hücumuna qarşı Yaxın Şərqin bir sıra ölkələri və “azadlıq hərəkatları” ilə hərbi və iqtisadi yardımın göstərilməsini nəzərdə tutan Müqavimət Paktının bağlanması üçün qanun layihəsi hazırlayır.
Tacxeber.com xəbər verir ki, bu barədə “Tasnim” məlumat yayıb.
Məlumata görə, razılaşma hərbi əməliyyatların əlaqələndirilməsi və təlimlərin keçirilməsi üçün operativ qərargahın yaradılmasını özündə ehtiva edir. Planın həyata keçirilməsinə görə məsuliyyətin İranın Ali Milli Təhlükəsizlik Şurasına həvalə edilməsi təklif edilir.
İran Təhlükəsizlik Şurası Müqavimət Paktına qoşulmaq üçün müraciətlərə baxacaq. Müqavilə böhran vəziyyətlərində qarşılıqlı yardımın göstərilməsi və İsrail və Qərb ölkələrinin təhdidlərinə qarşı mübarizə üçün vahid hərbi infrastrukturun yaradılması məqsədi daşıyır.