Türkiyənin İstanbul şəhərinin Fatih rayonunda Semih Çelik adlı şəxs İkbal Uzuner adlı qadının başını bıçaqla kəsərək Edirnekapı qala divarlarından aşağı atıb. Daha sonra Çelik boğazına ip keçirərək özünü qala divarlarından ataraq intihar edib.
Bu barədə DHA məlumat yayıb.
Araşdırmalar nəticəsində məlum olub ki, Semih Çelik hadisədən təxminən 1 saat öncə Eyüpsultan rayonunda da 19 yaşlı Ayşenur Halil adlı qızı öldürüb. Cinayətlərin motivi hələlik məlum deyil.
Hadisə yerinə çoxsaylı polis qüvvələri cəlb olunub. Faktla bağlı cinayət işi başlanılıb və istintaq davam etdirilir.