ABŞ Ukraynaya 8 milyard dollardan çox hərbi yardım elan etməyi planlaşdırır.
Tacxeber.com xəbər verir ki, bu barədə “Röyters” iki ABŞ rəsmisinə istinadən məlumat verib.
Bildirilib ki, hərbi yardımın elanı Ukrayna Prezidenti Vladimir Zelenskinin Vaşinqtona səfəri zamanı baş verməlidir.
“Prezident Co Baydenin administrasiyası səlahiyyət müddətinin bitdiyi federal maliyyə ilinin sonuna, sentyabrın 30-na kimi Ukraynaya 5,6 milyard dollarlıq hərbi yardımdan istifadə etməyə icazə vermək üçün Konqreslə təcili danışıqlar aparır”, – hesabatda bildirilib.