Rusiyanın tərkibində olan bütün subyektlər Ukrayna ilə bağlı danışıqların predmeti ola bilməz.
Tacxeber.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“Rusiya bölgələri Rusiya Federasiyasının ərazisidir – Konstitusiyamızı oxuyun və bunlar heç bir danışıqların predmeti deyil”, – o, Türkiyə Prezidenti Rəcəb Tayyib Ərdoğanın Krımın Ukraynaya qaytarılmasının beynəlxalq hüququn tələbi olması ilə bağlı bəyanatını şərh edərkən bildirib.
Zaxarova qeyd edib ki, Rusiya Türkiyənin müxtəlif nümayəndələrindən belə bəyanatlar eşidir: hakimiyyətin ən yüksək eşelonlarından tutmuş ekspert icmasına qədər.
“Bütün bu illər ərzində biz öz mövqeyimizi rəsmi kanallar, o cümlədən açıq şəkildə Türkiyə tərəfinə çatdırırıq. Bundan xəbərdardırlar”, – diplomat vurğulayıb.