Alimlər son araşdırmalarında uşaqların doğulduğu ay ilə onların intellekt səviyyələri arasındakı əlaqəyə işıq salıblar. Bu araşdırma nəticəsində ən ağıllı uşaqların hansı ayda doğulduğu məlum olub.
Tacxeber.com xəbər verir ki, alimlər tərəfindən aparılan araşdırma insanların doğulduqları aydan asılı olaraq fərqli intellekt səviyyələrinə və tiplərinə malik olduqlarını təəccübləndirən nəticələr ortaya çıxarıb. ABŞ-da aparılan bir araşdırma 1 milyon şagirdin məlumatlarını təhlil edərək, hansı ayda doğulan uşaqların digərlərinə nisbətən daha uğurlu olduğunu müəyyən edib.
Araşdırmanın nəticələrinə görə, sentyabr ayında doğulan uşaqlar digər aylarda doğulan uşaqlara nisbətən akademik baxımdan daha uğurlu olurlar. Sentyabr ayında doğulan uşaqlar təkcə ibtidai sinifdə deyil, orta və ali məktəbdə də digər şagirdlərdən daha uğurlu nəticələr əldə edirlər.