ABŞ-nin vitse-prezidenti Kamala Harris prezident seçkilərində Demokratlar Partiyasından namizəd kimi irəli sürülməsindən sonra ən yüksək hökumət postuna iddialı olan Respublikaçı Donald Trampı qabaqlayır.
Bu barədə “Reuters” agentliyi “Ipsos” sosioloji xidməti ilə birgə keçirdiyi ictimai rəy sorğusunun nəticələrinə əsasən məlumat yayıb.
Məlumata görə, 1241 amerikalı arasında keçirilən sorğunun nəticələrinə əsasən, Harrislə Tramp arasındakı fərq 2 faizdir. Belə ki, seçicilərin 44%-i Harrsə, 42%-i isə Trampa üstünlük verir.
Sorğu iyulun 22-23-də, yəni Bayden seçki yarışından geri çəkildiyini elan etdikdən sonra keçirilib.
Agentlik qeyd edib ki, iyulun 15-16-da keçirilən sorğuda seçicilər Tramp və Harrisə bərabər səviyyədə (44%) dəstək verib. İyulun 1-2-də keçirilən sorğunun nəticələrinə görə isə Tramp Harrisi 1 faiz üstələyib.