ABŞ-nin keçmiş prezidenti Donald Tramp deyib ki, üçüncü dünya müharibəsinin qarşısını yalnız o ala bilər.
Tacxeber.com xəbər verir ki, o bu barədə şənbə günü Pensilvaniya ştatında tərəfdarlarının qarşısında çıxış edərkən danışıb.
“Mən sübut edəcəm ki, bunu edə biləcək yeganə şəxs mənəm, çünki bu insanların (Co Bayden administrasiyasındakı – red.) III Dünya Müharibəsinin qarşısını necə almaq barədə heç bir fikri yoxdur. Və unutmayın ki, III Dünya Müharibəsi nüvə silahları və heç kimin təsəvvür belə edə bilməyəcəyi bir çox başqa silahlar səbəbiylə heç kimin sağ qalmayacağı bir müharibə olacaq”, – Tramp bildirib.
Qeyd edək ki, ABŞ-də prezident seçkiləri bu il noyabrın 5-də keçiriləcək. Donald Tramp artıq Respublikaçıların dövlət başçısı vəzifəsinə namizəd kimi irəli sürülməsi üçün lazımi sayda nümayəndə səsini toplayıb. İkinci müddətə namizədliyini irəli sürən hazırkı Amerika lideri Co Bayden də artıq Bayden Demokratlar Partiyasından kifayət qədər sayda nümayəndənin dəstəyini qazanıb.
