Krım körpüsünün ömrünə çox az qalıb: “Onun məhvi üçün silahımız var…”- Hərbi ekspert

Körpünü tamamilə məhv etmək üçün qanadlı raketlərin böyük qarışıq yaylım atəşi və böyük bir dron dəstəsi tələb olunur…

 

Krım körpüsünün ömrünə çox vaxt qalmayıb və bunu ruslar özləri də başa düşürlər. Qərb tərəfdaşları hələ də uzaqmənzilli silahların təhvil verilməsi ilə bağlı qərar qəbul etmədikləri üçün Ukrayna körpünü dağıtmaq üçün öz alternativindən istifadə edə bilər.

 Bu haqda hərbi ekspert və Ukrayna Silahlı Qüvvələrinin ehtiyatda olan polkovniki Pyotr Çernık “Kanal 24” üçün gündəlik reportajında danışıb.

Çernık rusların Krım körpüsünün dağıdılacağını başa düşməsinin səbəbini izah edib.

 

Ekspert Rusiyanın Rostov-Dondan işğal olunmuş Krıma dəmir yolunun tikintisinə toxunaraq, “Rusların quruda alternativ logistika əlaqəsi qurması onların körpünün sonunun çatmaq üzrə olduğunu başa düşdüyünü göstərir” -deyə bildirib.

O, izah edib ki, 18 km uzunluğunda olan körpünü artıq təmir oluna bilməyəcək şəkildə dağıtmaq üçün qanadlı raketlərin böyük qarışıq yaylım atəşinə ehtiyac var və Rusiyanın hava hücumundan müdafiəsini yayındırmaq üçün böyük bir dron dəstəsi lazımdır.

 

Krım körpüsünü dağıtmaq üçün Ukraynanın hansı silahları var?..

Çernıkın sözlərinə görə, Ukraynanın tərəfdaşları hələ də ona uzaqmənzilli silahların ötürülməsinə qərar vermədikləri üçün dövlət öz alternativindən – “Qrom-2” (və ya “Sapsan”) operativ-taktiki raket sistemindən istifadə edə bilər. Həmin kompleks tammiqyaslı müharibə başlamazdan əvvəl hazırlanmışdır. Hətta bir kompleks artıq Səudiyyə Ərəbistanına da satılıb. Ekspert onu da qeyd edib ki, bu müddət ərzində kompleks modernləşdirilə və ya başqa cür işlənib hazırlana bilərdi.

Bundan əlavə, Ukrayna uçuş məsafəsi 300 km-ə çatan “R-360” raketli “RK-360MTs”- “Neptun” sahil raket sistemi ilə də silahlanıb. Qeyd edək ki, Krım körpüsünə, məsələn, Qulyay-Poledən olan məsafə 240 km-dir.

Ukrayna Silahlı Qüvvələrinin ehtiyatda olan polkovniki, “Lakin yaylım atəşi qarışdırılmalıdır; yalnız ballistika kifayət deyil”, -deyə bir daha vurğulayıb. (Moderator)

Tacxeber.com