ABŞ-da fəaliyyət göstərən Azərbaycan əsilli fotoqraf Nika Vəkilova dünya ulduzu Şakiranın fotosessiyasını edib.
Bu haqda Nika Vəkilova öz İnsataqram hesabında paylaşım edib:
“Yadımda qalan müddət ərzində onun inanılmaz istedadının böyük pərəstişkarı olmuşam. Onunla işləmək mənim arzum idi və nəhayət, o gün gəlib çatdı. Şakiranın yenicə buraxılmış “Las Mujeres Ya No Lloran” (“Qadınlar artıq ağlamaz”) albomundan “Entre Parentesis” adlı ən son musiqi videosunun pərdəarxası şəkillərini paylaşmaqdan hədsiz dərəcədə həyəcanlıyam”.
