Avropa Komissiyası Rusiyanın qurumda dondurulmuş aktivlərindən əldə olunan gəlirlərin Ukraynaya dəstək məqsədilə istifadə edilməsi təklifini təsdiqləyib.
Bu barədə Avropa Komissiyası rəhbərinin birinci müavini Valdis Dombrovskis bildirib.
“Avropa Komissiyası bu gün Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borrell ilə birlikdə Rusiyanın aktivlərindən əldə edilən gəlirlərin istifadəsi ilə bağlı hazırlanmış təklifləri təsdiqləyib”, – Dombrovskis deyib.
Avropa Komissiyasının rəsmisi qeyd edib ki, bu təklif Avropa İttifaqının martın 21-22-də keçiriləcək sammitində nəzərdən keçiriləcək və orada Ukraynaya dəstək tədbirləri müzakirə olunacaq. (Axar)
