Avropa Birliyi (AB) ölkələri yaxınlaşan hərbi təhdidlər səbəbindən ordunun yenidən silahlandırılmasını sürətləndirməlidir.
Bunu Almaniya müdafiə naziri Boris Pistorius deyib.
“Hərbi, sənaye və cəmiyyətlər baxımından, bunu çatdırmağımız üçün 5-8 ilimiz var”, – nazir bildirib.
Pistorius əlavə edib ki, Rusiya Ukraynadakı müharibədə öz qoşunlarını dəstəkləmək üçün silah istehsalını ciddi şəkildə artırıb. Müdafiə naziri həmçinin Rusiyanın Moldova, Gürcüstan, Litva, Latviya və Estoniyanın təhlükəsizliyini təhdid etdiyini iddia edir.
Onun fikrincə, Avropa yeni hərbi çağırışlarla üzləşə bilər, çünki ABŞ diqqətini Hind-Sakit okean regionuna yönəldəcək:
“Biz avropalılar öz qitəmizdə təhlükəsizliyin təmin edilməsində daha çox iştirak etməliyik”.
Pistorius vurğulayıb ki, ABŞ yeni maliyyələşdirmə ilə bağlı razılığa gələ bilməsə, AB Vaşinqtonun Ukraynaya yardımını kompensasiya etməli ola bilər. (Teleqraf)
