Sosial şəbəkələrdə beynəlxalq dərəcəli hakim, AFFA Hakimlər Komitəsinin səbiq sədri Xaqani Məmmədovla bağlı video paylaşılıb.
Ötənlərin məşhur fit sahibi idarə etdiyi “Hyundai Santa Fe” markalı, 99-XF-555 dövlət nömrə nişanlı avtomobillə manevr qaydasını pozub.
Videonu bayker paylaşıb.
Belə ki, Xaqani bəy zolaq dəyişərkən dönmə işığını yandırmağa gərək duymayıb. Məmmədovun səhlənkarlığı arxadan gələn motosiklet sürücüsünə çətin anlar yaşadıb.
O, qaydanı pozan Xaqani Məmmədova yaxınlaşaraq “Hər vaxtınız xeyir, ağsaqqal. Dayı, sağa keçirsən, dönmə işığını yandırmırsan. Az qala baqajdan içəri girəcəkdim. Ehtiyatlı ol” deyib.
Futbol adamı baykerin iradına gülümsəyərək cavab verib.
