Türkiyə sosial şəbəkələrdəki məzmuna nəzarət edəcək.
“Hürriyet” qəzeti xəbər verir ki, bu barədə Türkiyə Parlamentinin Rəqəmsal Media Komissiyası məlumat verib.
Belə ki, sosial media hesablarının yaratdığı məzmunu tənzimləmək və izləmək üçün qanun layihəsi hazırlanır.
Komissiyanın rəhbəri Hüseyin Yaymanın sözlərinə görə, əsas iş “sosial şəbəkələrdə, xüsusən də “TikTok”da gəlirlərin məzmunu, qeydiyyatı və vergiyə cəlb edilməsinin araşdırılmasına” yönəldiləcək.
Komissiya Türkiyədəki bəzi platformaların bağlanmasına səbəb olacaq sanksiyaları nəzərdən keçirir.
Qeyd olunur ki, dekabrın 7-də “TikTok” nümayəndələri şirkətə qarşı ittihamlara cavab vermək üçün Türkiyə parlamenti qarşısına çıxacaqlar. (Ölkə)
