DÇ-2022-inin çempionu Lionel Messi uğurunun ilahi qüvvə tərəfindən nəzərdə tutulduğunu söyləyib.
“Mən bunu illər əvvəl demişdim: dünya çempionu olacağıma əmin idim. Bu, 2014-cü il dünya çempionatının finalındakı məğlubiyyətdən əvvəl də belə idi.
Və sonra da bu fikrimdə qaldım. Bilirdim ki, Allah dünya çempionu olmağımı istəyir, bunu mənə verəcək. Mən həmişə buna inanmışam.
Yol boyu çoxlu böyük qayalar var idi, mənim üçün həqiqətən çətin idi, amma axırda belə oldu.
Dünya Kuboku boyunca Dieqo (Maradona –red.) həmişə yanımızda idi. Argentina millisində oynayanda həmişə belə olur. Azarkeşlərimizin bir çox mahnısında Dieqonun adı çəkilir. Biz hər yerdə argentinalıları gördük, özümüzü evdəki kimi hiss etdik”, – Messi Disney Star+ ESPN-ə müsahibəsində deyib.
