Qəbizlik və qarında ağrılarla təcili xəstəxanaya çatdırılan 29 yaşlı qızın hər gün 5 kibrit çöpü yediyi məlum olub.

“Medicina” xəbər verir ki, 3 ildir hər gecə ailə üzvləri yatdıqdan sonra kibrit çöplərini çeynəyib yeyən qız bunu edərkən özünü xoşbəxt və rahat hiss etdiyini deyib. Hər gün çox güclü istəklə kibrit arzulayırdım.

Pasiyent bunun psixi pozğunluq olduğunu güman edərək, psixiatra müraciət də etməyib.
Müayinələrdən sonra qızda ciddi qanazlığı, anemiya olduğu üzə çıxıb.

Pika xəstəliyi adlanan bu sindrom qarşısıalınmaz tutmalara səbəb olur, xəstə qum, daş, yad cisimlər və s. yemək istəyir.

Qidalanmanın pozulması 90% halda bədəndə qidalı maddələrin çatışmadığını göstərir.

Həkim Tatyana Zaxarova bildirib ki, pikasizm dəmir defisitli anemiya ilə sıx bağlıdır.

Amma bunun beyinə təsiri mexanizmi hələ tam aydın deyil.

Orqanizm anemiya zamanı var gücü ilə az olan qanı və oksigeni hüceyrələrə çatdırdığı üçün tez yorulur.