Britaniyanın sabiq daxili işlər naziri Suella Braverman baş nazir Rişi Sunakı tənqid atəşinə tutub.
Tacxeber.com xarici KİV-ə istinadla xəbər verir ki, o, Sunakı “xalqa xəyanət”də ittiham edib.
Braverman Sunak tərəfindən vəzifəsindən azad edildikdən sonra “X” hesabında paylaşım edib.
“Mən vəzifədə olduğum müddətdə müvəffəqiyyət qazandım. Rəhbərlik yarışında partiya üzvlərinin əksəriyyəti tərəfindən rədd olunmağınıza və buna görə də Baş nazir olmaq üçün şəxsi mandatınızın olmamasına baxmayaraq, əsas siyasət prioritetləri ilə bağlı mənə verdiyiniz qəti əminliklərə görə sizi (Sunak) dəstəkləməyə razılaşdım”.
O, Sunakı “qeyri-qanuni immiqrasiyanın azaldılması, miqrant qayıqlarının keçməsi və Şimali İrlandiya Protokoluna dair əsas siyasətinin hər birini açıq-aydın və dəfələrlə yerinə yetirməməkdə” günahlandırıb.
Həmçinin Sunakın Londonda Fələstinə dəstək yürüşünün qarşısını ala bilmədiyi üçün “qeyri-müəyyən, zəif və İngiltərənin ehtiyac duyduğu liderlik keyfiyyətlərinə malik olmadığını” iddia edib.
Xatırladaq ki, ötən gün Suella Braverman Fələstinə dəstək nümayişlərinə münasibətinə görə Rişi Sunak tərəfindən vəzifəsindən uzaqlaşdırılıb.
