Xalq artisti Cavan Zeynallı qonaq olduğu “Elgizlə izlə” ictimai-sosial verilişində ona edilən evlənmə təkliflərindən danışıb.
Tacxeber.com xəbər verir ki, 78 yaşlı cazmenin sözlərinə görə, xanımı vəfat edəndən sonra ona bir neçə qadın evlilik təklifi edib.
Sənətçi bu təkliflərin maddi maraq güddüyünü etiraf edib:
“Bu yaxınlarda qadınlardan biri mənə evlilik təklifi etdi. Dedi ki, Cavan müəllim, gəlin, evlənək. Özü də baxırsan qadın çox gözəldir. Deyir ki, sabah sizinlə zəngləşək. Amma bilirəm ki, o mənə bu təklifi evimin olduğuna görə edir”.
Qeyd edək ki, Cavan Zeynallının xanımı ötən il vəfat edib.
