“Ukrayna ordusunun psixoloji durumu yaxşı deyil. 5 gündə 24 Ukrayna təyyarəsini vurduq”.
Tacxeber.com xarici KİV-ə istinadla xəbər verir ki, bu sözləri Rusiya Müdafiə naziri Sergey Şoyqu söyləyib.
Şoyqu Rusiya ordusunun “Şərq” hərbi hissələri ilə görüşüb və Ukraynadakı vəziyyətlə bağlı qiymətləndirmələr aparıb.
“Ukrayna ordusunun imkanları azdır. Bugünkü vəziyyət düşmənin imkanlarının getdikcə azaldığını göstərir. Son 3-4 həftədə könüllü təslim olan və ya əsir düşən Ukrayna əsgərləri ordudakı mənfi psixoloji vəziyyətindən danışır. Ukrayna çoxlu sayda döyüş təyyarəsi itirməyə başlayıb. 5 gündə 24 Ukrayna təyyarəsini vurduq.
Sizi ürəkdən təbrik edirəm. Yaxşı döyüşürsünüz və bunun belə davam edəcəyini düşünürəm”, – deyə o əlavə edib.
