“İnter Mayami”nin kapitanı və hücumçusu Lionel Messi sosial şəbəkədəki səhifəsində Amerika klubunun sahibi Devid Bekhem və “Real”ın keçmiş baş məşqçisi Zinəddin Zidanla fotosunu yerləşdirib.
Zidan “İnter Mayami”nin “Hyuston “Dinamo” klubuna 1:2 hesabı ilə uduzduğu ABŞ kubokunun final oyununda iştirak edib. Argentinalı hücumçu ABŞ kubokunun final matçı üçün heyətə daxil edilməyib. Foto Florida komandasının paltardəyişmə otağında çəkilib.
Xatırladaq ki, Messi yay transfer pəncərəsində azad agent kimi “İnter Mayami”yə keçib. (Qol.az)
