UEFA-nın Rusiyanın aşağı yaş qrupları üzrə milli komandalarının beynəlxalq yarışlara buraxılması haqda qərarı Polşa, Latviya və İsveç futbol federasiyalarının etirazına səbəb olub.
Hər üç ölkənin futbol federasiyası bəyan edib ki, oyunun keçirildiyi yerdən və onların təqdimat formasından asılı olmayaraq rusiya millilərinin iştirak edəcəyi turnirə qatılmayacaqlar.
Qeyd edək ki, UEFA ötən gün Rusiyanın aşağı yaş qrupları üzrə milli komandalarının neytral statusda – himn və bayraqsız beynəlxalq turnirlərdə iştirakına icazə verildiyini açıqlayıb. Bundan öncə İngiltərə Rusiya komandaları ilə görüşdən imtina edib. (Axar)
