Türkiyənin İstanbul şəhərində məscidə daxil olan şəxs içəridə spirtli içki içib.

Tacxeber.com Türkiyə mediasına istinadla xəbər verir ki, həmin şəxs sosial media hesabında paylaşım edərək “Allah ilə bir az dərdləşim” şərhini qeyd edib.

“Bura İstanbulun çox hərəkətli bölgəsidir. Amma məscid boşdur. Buna görə də içkini çantamdan çıxarıb içdim”.

O, fotonun altındakı şərhlərə cavabında dini dəyərləri ələ salmağa davam edib.

“Bunu necə bacardın?” şərhinə  “Atatürkə Əkbər dedim, cəsarətimi toplayıb içəri girdim” dedi.

“3200 məscidin kameralarına ayrı-ayrı baxsınlar. Tapanda polis bölməsinə gedib ifadə verəcəyəm”, – deyə o bidirib.

Yazıya verilən ciddi reaksiyalardan sonra həmin şəxs hesabını silib.