“Sabah”la ilk oyun kabus kimi idi” – “Partizan”ın baş məşqçisi

Bu sözləri “Partizan”ın baş məşqçisi  İqor Dulyay Konfrans Liqasının 3-cü təsnifat mərhələsində “Sabah”la cavab oyunu öncəsi keçirilən mətbuat konfransında deyib.

“İlk matç kabus kimi idi. Amma nəticəyə görə bütün məsuliyyət mənim üzərimdədir. Futbolçularım haqqında məndən heç vaxt pis söz eşitməyəcəksiniz. Mən onlara inanıram, onlar da bizim gördüyümüz işlərə inanırlar. Sabah start fitindən dərhal maksimum gücümüzü göstərməliyik” – deyə o bildirib.

Mütəxəssis matç öncəsi yorğun olmadıqlarını vurğulayıb: “Bu iki qolu geri qaytara biləcəyik. Komanda üzərində təzyiq artıq var, amma 2:0 hesabı ilə məğlub olanda əlavə təzyiq tələb olunmur. Bütün bunlar meydana çıxanda və azarkeşlərin dəstəyini görəndə yox olur”.

İ.Dulyay “Sabah”ın böyük üstünlüyünün olduğunu vurğulayıb: “Onların qapalı futbol oynayacağını düşünmürəm. “Sabah”ın əla məşqçisi və yaxşı oyunçuları var. Bizi yaxşı analiz etdilər. Plan təkcə bizim deyil, həm də rəqib üçündür. Ancaq inanıram ki, ilk qol vuran biz olacağıq. Bu, baş verməsə, bunun üçün səy göstərməyə davam edəcəyik ” (Qol.az)