“Hər üç casus bir neçə il ərzində ünvanlarını dəyişməklə Böyük Britaniyada yaşayıb…”
Böyük Britaniyada milli təhlükəsizliklə bağlı aparılan iri tədqiqat çərçivəsində Rusiyanın xeyrinə casusluq etməkdə şübhəli bilinən üç nəfər həbs olunub.
Tacxeber.com xəbər verir ki, bu barədə BBC mediakorporasiyası məlumat yayıb.
İkisi Londonun şimal-qərbində, biri isə Norfolk qraflığının Qreyt-Yarmut şəhərində yaşayan üç Bolqarıstan vətəndaşı hələ fevral ayında saxlanılıb. Bunlar 45 yaşlı Orlin Rusev, 41 yaşlı Bizer Cambazov və 31 yaşlı Katrin İvanovadır.
Onlara artıq saxta sənədlərin, o cümlədən Böyük Britaniya, Bolqarıstan, Fransa, İtaliya, İspaniya, Xorvatiya, Sloveniya, Yunanıstan və Çexiyanın pasport və şəxsiyyət vəsiqələrinin saxlanılmasında ittiham irəli sürülüb.
İstintaqın məlumatına görə, hər üç nəfər bir neçə il ərzində ünvanlarını dəyişməklə Böyük Britaniyada yaşayıb.
BBC-nin məlumatına görə, Rusev 2009-cu ildə Böyük Britaniyaya köçüb və orada maliyyə xidmətləri sahəsində işləyib.
Bundan sonra o, kommunikasiya və elektron siqnallarının ələ keçirilməsi ilə bağlı biznes qurub.
Rusevin həm də Rusiyada biznesin idarə edilməsində təcrübəsi olub, şübhəli bilinənin özü isə bəyan edib ki, Bolqarıstan Energetika Nazirliyində müşavir işləyib.
Cambazov və İvanova ölkədə 10 ilə yaxın yaşayıb, keçmiş qonşuları onların ailə cütlüyü olduğunu hesab edib.
Rəsmi olaraq onlar Londonda ölkədə yaşayan Bolqarıstan vətəndaşları üçün onların doğma ölkəsində seçki komissiyalarında işləyib.
Şübhəli bilinənlər yanvar ayında məhkəmə qarşısına çıxarılacaq. Onlar günahkar olub-olmadıqları barədə hələlik heç bir bəyanat verməyib. (Moderator)
