Nüvə silahından istifadə nəzəri cəhətdən mümkündür.
APA-nın Rusiya bürosu xəbər verir ki, bunu Rusiya Prezidenti Vladimir Putin Sankt-Peterburq Beynəlxalq İqtisadiyyat Forumunun plenar iclasında çıxışında bildirib.
Putin nüvə silahının tətbiqinə mənfi yanaşdığını söyləyib. O, bu silahın ancaq Rusiya Federasiyanın mövcudluğuna təhlükə olan zaman tətbiq oluna biləcəyini söyləyib.
Putin, Rusiyanın NATO-dan daha çox taktiki nüvə silahının olduğunu da qeyd edib. “Ona görə də NATO bizimlə birlikdə onları azaltmaq istəyir. Amma biz bunu etməyəcəyik”.
