“Bir vərəqim var və orada Mayamidən ev aldığım üçün Allaha təşəkkür etdim”. Bizim.media xəbər verir ki, bu sözləri Xalq artisti Röya Ayxan doğum günü ərəfəsində 14/41 adlı albomunun təqdimatında deyib.

Sənətçi bildirib ki, okeanın o tayında ev almasının səbəbi oğlu Hüseynin təhsili ilə bağlıdır: “Oğlum Amerikada təhsil alacaq, ona yaxın olmaq üçün bu addımı atdım. Bakıdan köçməyi düşünmürəm. Yeganə adamam ki, hər ölkədə evim olmasına can atıram, amma oraya ancaq istirahətə gedə bilərəm. Burada fəxri ad almışam, tanınmışam. Dövlətin xalq artistiyəm”.