Dünya əhalisinin yarım milyardı şəkər xəstəsidir. Ölkəmizdə isə 300 min şəkərli diabet xəstəsi var. Statistikaya görə, hər beş saniyədə bir insan bu xəstəlikdən dünyasını dəyişir.

Şəkərli diabet həm ölüm halı, həm də əlillik sayını artırmasına görə xəstəliklər içində ön sıralarda yer alır.

Mütəxəssislər hesab edir ki, bu xəstəlikdən əziyyət çəkən insanlar yaşından asılı olmayaraq nəzarətdə saxlanılmalıdır. Əks halda bu, əlilliyə gətirib çıxara bilər.

Bu xəstəliyə görə əlillik təyinatı verilən şəxslərə orqanizmin funksiyalarının 31-60 faiz pozulmasına görə 150 AZN, 61-80 faiz pozulmasına görə 220 AZN, 81-100 faiz pozulmasına görə 270 AZN müavinət verilir.