Rusiyada ermənilər kütləvi şəkildə saxlanılır.
KONKRET.az xəbər verir ki, bu barədə Rusiya Erməniləri İttifaqı məlumat yayıb.
“Ryazanda soydaşlarımız kütləvi şəkildə saxlanılır. Doğrudan da bir növ təqib var. Onları işdən, kafedən, restoranlardan aparırlar. Hamı aparılır. O cümlədən, əgər onlar erməni millətindəndirsə, qadınlar da aparılır. Onları şöbəyə gətirirlər. Orada xüsusi heç bir iş görmürlər, nəsə yazır, əl izləri götürülür və sonra buraxırlar. Amma bu hal kütləviləşib”, – deyə Rusiya Ermənilər İttifaqının vitse-prezidenti German Ananyants bildirib.
O qeyd edib ki, Rusiya Daxili İşlər Nazirliyinin Ryazan vilayəti üzrə Cinayət Axtarış İdarəsinin rəisi Aleksey Biryukov və polis rəisinin müavini Denis Qribanovun simasında bu işin konkret təşəbbüskarları var.
“Bəlkə də Biryukov özü edir bunu, çünki onun ermənilərə nifrət edir. Ən pisi odur ki, onları cərimə edirlər. Onları çoxlu kabab hazırlamağa məcbur edirlər. Və onlar da kababı rüşvət kimi pulsuz bişirib verirlər”, – deyə Ananyants əlavə edib.
O, Ryazan hüquq-mühafizə orqanları əməkdaşlarının hərəkətlərinin səbəblərini və motivlərini bilmədiyini deyib.