Energetik içkilərin tərkibindəki kofein təhlükəlidir, çünki o, “saf süni molekul” vəziyyətindədir.
Bu barədə rusiyalı diyetoloq Yelena Solomatina xəbərdarlıq edib.
Tacxeber.comxəbər verir ki, mütəxəssisin fikrincə, şəkər və karbon qazı ilə birlikdə belə “partlayıcı qarışıq” zəifləmiş bədənə kritik təsir göstərə bilər.
“Enerji içkilərinin tərkibində kofein, taurin, quarana və şəkər var. Bu içkilər qazlı olur. Enerji içkilərinin oyadıcı təsiri kofeindən qaynaqlanır”, – deyə Solomatina izah edib.
Həkimin sözlərinə görə, digər içkilərin tərkibində də kofein mövcuddur, ancaq bununla yanaşı bu maddələrin insan orqanizminə zərərli təsirini azaldan xüsusi qatqılar da olur.
“Qəhvədə kofein polifenollarla, yaşıl çayda isə taninlərlə birləşir. Orada başqa maddələr var ki, onun bu qədər tez mənimsənilməsinə imkan vermir, mənimsəmə mexanizmini çox yumşaldır”, – deyə həkim bildirib.
Onun sözlərinə görə enerji içkilərində isə kofein “çılpaqdır”, bu səbəbdən belə içki orqanizmdə “partlayıcı qarışıq” təsirini qoyur.
Dietoloq belə kimyəvi tərkibin tükənmiş orqanizmlər – emosional stress keçirənlər, kifayət qədər yatmayanlar, düzgün qidalanmayanlar və gündəlik rejimə əməl etməyənlər üçün xüsusilə kritik təsiri ola biləcəyini vurğulayıb.
