“Arman Dikiy” kimi tanınan kriminal avtoritet Arman Cumageldiyevin həbs müddəti uzadılıb.
Tacxəbər “Qafqazinfo”ya istinadən xəbər verir ki, kriminal avtoritetin həbs müddəti cari ilin martın 7-nə qədər uzadılıb.
Xatırladaq ki, Cumageldiyev ötən il yanvarın 7-si Qazaxıstanın Almatı şəhərində xüsusi əməliyyat nəticəsində saxlanılıb. Bu zaman onunla yanaşı 5 nəfərdən ibarət cinayətkar qruplaşmanın üzvləri də saxlanılıb. Onun yanvar iğtişaşları zamanı Qazaxıstana getdiyi, burada sözügedən qruplaşma ilə Almatı sakinlərini qaçıraraq zorakılığa məruz qoyduqları barədə məlumat yayılıb.
Qeyd edək ki, “Arman Dikiy” kimi tanınan kriminal avtoritet Arman Cumageldiyev mərhum qanuni oğru “Lotu Quli”nin (Nadir Səlifov) yaxın adamı olub.
