Rusiyanın Ukraynaya təcavüzü başlayandan bəri zəngin ruslar 93 milyard dollardan çox sərvət itiriblər.
Bu barədə “Bloomberg” agentliyi xəbər yayıb.
Agentliyin məlumatına görə, fevralın 24-də rusiyalı iş adamları 46,6 milyard dollar itirib. Qərbin sanksiyalarının tətbiqindən sonrakı aylarda isə onlar daha 47 milyard dollar itiriblər.
Ukraynanın “Forbes” jurnalı yazır ki, Ukraynanın varlı iş adamlarının ümumi sərvəti də fevral ayından bu yana 20 milyard dollardan çox azalıb. Rəqəm 40 milyard dollardan 22,5 milyard dollara düşüb.
Bloomberg-in hesablamalarına görə, 2022-ci ildə dünyanın ən zəngin 500 adamının aktivləri ümumilikdə 1,4 trilyon dollar azalıb. (Toplumtv)
