MDB ölkələri problemli məsələləri həll etməyə hazırdır.
Tacxeber.com xəbər verir ki, bunu Rusiya Prezidenti Vladimir Putin MDB-nin Sankt-Peterburqda keçirilən qeyri-rəsmi sammitində bildirib.
V.Putinin sözlərinə görə, MDB ölkələri arasında əməkdaşlığın əsas istiqamətlərindən biri ümumi Avrasiya regionunda təhlükəsizliyin və sabitliyin qorunmasıdır.
“Təəssüf ki, bu sahədə ilk növbədə kənardan gələn çağırışlar və təhdidlər ildən-ilə artır. Etiraf etməliyik ki, Birliyə üzv dövlətlər arasında da fikir ayrılıqları yaranır. Lakin əsas odur ki, biz hazırıq və edəcəyik. Hətta bəzi problemli məsələlər ortaya çıxsa belə, biz onları birlikdə, birgə, bir-birimizə yoldaşlıq və vasitəçi yardım göstərərək həll etməyə çalışırıq”, – Putin bildirib.
Onun sözlərinə görə, MDB ölkələri terrorizm və ekstremizmə, transsərhəd cinayətlərə, narkotiklərin qanunsuz dövriyyəsinə və korrupsiyaya qarşı mübarizədə konstruktiv əməkdaşlıq edir.
Qeyd edək ki, dekabrın 26-27-də Sankt-Peterburqda MDB dövlət başçılarının qeyri-rəsmi görüşü keçirilir.
