Vatsap növbəti yeniliyini təqdim etməyə hazırlaşır.
Tacxeber.com xəbər verir ki, bu barədə “WABetaİnfo” portalı məlumat yayıb.
Bildirilib ki, artıq yaxın vaxtlarda mesencerin tək baxışlı mesajlar funksiyası istifadəyə veriləcək. Bu yenilikdə göndəriləcək mətnli mesajlar, fotolar və ya videolara yalnız bir dəfə baxmaq mümkün olacaq.
Bununla yanaşı, qarşı tərəf ona göndərilən mesajları yadda saxlaya, başqa birinə göndərə və ya onun fotosunu çəkə bilməyəcək.
Hazırda sözügedən funksiya “Android” əməliyyat sistemi ilə çalışan cihazlarda test edilir.
