Mədəni İrs, Turizm və Əl İşləri İdarəsi Təbrizin qədim hamamlarından olan “Xan” hamamını bərpa etmək əvəzinə dağıdıb.
Tacxeber.com “Təbrizəncümən” saytına istinadən xəbər verir ki, bu barədə tarixi hamamın mülkiyyətçilərindən olan Məhəmmədhüseyn Abbasquluzadə məlumat verib.
O bildirib ki, Mədəni İrs, Turizm və Əl İşləri İdarəsi hamamın təmirinə ayrılan büdcəni təyinatı üzrə xərcləməyərək, tarixi tikilinin bərpa işlərini yarımçıq buraxıb.
“Bu tarixi hamam İsfahan və ya Şirazda olsaydı, belə aqibətlə üzləşməzdi”, – Abbasquluzadə qeyd edib.
