Ukraynanın Odessa vilayətində gömrükçülər bir vətəndaşın Moldovaya keçirmək istədiyi yüngül təyyarəni saxlayıblar.
Moderator.az “UNİAN”a istinadla xəbər verir ki, Odessa gömrük idarəsi mətbuat xidmətinin məlumatına görə, Ukrayna vətəndaşı “CESSNA 182R” markalı uçağı Starokazaçye-Tudora keçid məntəqəsindən yük maşınının qoşqusunda Moldovaya aparırmış.
Gömrük rəsmiləşdirmələri aparılarkən məlum olub ki, təyyarə Ukraynaya 3 ay əvvəl bitmiş müddət ərzində təkrar ixrac öhdəliyi ilə gətirilib. Eyni zamanda, qanunvericilikdə nəzərdə tutulmuş müvəqqəti idxal müddətinin uzadılması ilə bağlı müraciət gömrük orqanına daxil olmayıb.
Təyyarə müvəqqəti olaraq müsadirə edilib.
