Qətərdə keçiriləcək DÇ-2022 pivə satışı ilə bağlı yeni təfərrüatlar ortaya çıxıb.
Qol.az xarici mediaya istinadən xəbər verir ki, yarım litrlik bir plasmas stəkanda pivənin qiyməti 14 avroya yaxın başa gələcək.
Həmçinin bildirilir ki, Qətər hökuməti azarkeşlərə pivə satışına məhdudiyyət qoyub. Məlumata görə, adambaşına gün ərzində dörd stəkandan çox pivə satılmayacaq.
Qeyd edək ki, bir müddət əvvəl çempionatın təşkilatçıları azarkeşlər üçün pivə üçün aşağı qiymətlər hazırlamaq niyyətində olduqlarını bəyan etmişdilər. Bir şüşə üçün qiymət 7-8 avro nəzərdə tutulurdu.
Daha sonra Qətər hakimiyyətinin qərarı ilə qiymət siyasətində dəyişiklik edilib. Bəzi pivə satış məntəqələrinin stadionlardan kənar, gözə dəyməyən yerlərə köçürülməsi əmri verilib.
