Könül Xasıyeva Almaniyaya getdi?Xəbər verdiyimiz kimi, Xalq artisti Könül Xasıyeva bir müddət əvvəl boğazında şiş aşkarlandığını və müalicə üçün maddi yardıma ehtiyacı olduğunu açıqlayıb.
Axşam.az xəbər verir ki, xanəndə instaqramda müraciət ünvanlayaraq, 254 min manat toplanmasını istəyib. Sənət adamlarına müraciət etsə də, ifaçıya yalnız Əməkdar artist Yusif Mustafayev 1000 dollar pul göndərib. Xasıyeva isə onun ifasını sevən bir neçə şəxsin ona böyük məbləğ göndərdiyini və pulun tamamlandığını açıqlayıb.
Xasıyeva əvvəl zənglərə cavab verib, danışa bilmədiyini söyləyib. Ehtiyacı olan pul toplandıqdan sonra isə xanəndə zənglərə cavab verməyib. O, Almaniyaya gedib-getməməsi ilə bağlı sualları cavabsız qoyub.