Almaniyanın hava limanında İrandan gələn təyyarənin şassisində meyit tapılıb.
Bu haqda Almaniyanın “Bild” qəzeti məlumat yayıb.
Bildirilib ki, hadisə “Lufthansa” təyyarəsində qeydə alınıb. Oktyabrın 27-sində Frankfurt hava limanının əməkdaşları Tehrandan gələn təyyarənin şassəsində insan cəsədi tapıblar. Meyit sərnişinlər təyyarəni tərk etdikdən və təyyarə texniki baxış üçün anqara keçdikdən sonra tapılıb.
Təyyarənin və federal polisin nümayəndələri hadisəni şərh verməkdən imtina ediblər. Frankfurt hüquq-mühafizə orqanları da təfərrüatları açıqlamayıb.
