Çeçenistanın rəhbəri Ramzan Kadırov Rusiyanı tərk edənlərə ətək geyinib özlərinə qadın adları götürməyi tövsiyə edib.
Tacxeber.az “RIA Novosti”yə istinadla xəbər verir ki, Kadırov bildirib:
“Çətin vaxtlarda vətənini qoyub xaricə gedənləri anlamıram. Belə qorxaqlara məsləhət görürəm ki, ətək geyinsinlər, özlərinə qadın adı götürsünlər. Baxmayaraq ki, tariximizdə hətta qadınlar da kişilərlə bərabər şəkildə sona qədər mübarizə aparmağa cəsarət göstəriblər”.
Çeçenistan rəhbəri əlavə edib ki, ölkədə yalnız qismən səfərbərlik elan edilib, lakin bu, hər bir şəxsə öz vəzifəsini yerinə yetirmək və döyüşdə faydalı bacarıqlar təklif etmək üçün kifayətdir.
